فرح ولا فيلم أكشن؟ كروان مشاكل ولّع الدنيا والشرطة ختمت الليلة!
لو كنت فاصل نت طول اليوم، ففايتك ملحمة سينمائية مأساوية بطلها كروان مشاكل.
ليلة كان المفروض تكون ليلة العمر بس قلبت بفيلم صرخة نملة على إبراهيم الأبيض.
إليك ملخص المهزلة اللي حصلت بالتفصيل:
الفيرست لوك أيفون: البداية كانت إيجيبت أوي، كروان دخل على العروسة بـ “أيفون 17” هدية الفيرست لوك،
بس الفرحة متمتش.
حريقة واختناق: فجأة العربية ولعت، والعروسة جالها حالة اختناق من الدخان، ودي كانت أول علامة إن الليلة “ماشية بالعكس”.
هجوم القاعة: أول ما وصلوا القاعة، الناس هجموا عليهم بشكل غريب، طرحة العروسة وقعت وأغمى عليها من الزحمة والتدافع.
ضياع الكاريزما: “شبيه جعفر العمدة” حضر عشان يضيف هيبة، بس للأسف نظارته اتسرقت والكاريزما ضاعت في الزحمة.
أما “شبيه عبد الحليم” فمستحملش التدافع وأغمى عليه هو كمان وشالوه بره الليلة.
إنجي حمادة والبدلة الحمراء: بطلة فيديو “المطبخ” الشهير وصلت وهي لابسة أحمر، بس القدر كان له رأي تاني، فستانها اتقطع والسوستة ضربت وهي داخلة .. طبعا انتوا استنتجتوا من ايه!
خناقات وشوم: في نص الفرح، “الأكشن” بدأ بجد، خناقات بالشوم وكراسي بتطير في الجو، والمعازيم بقوا بيضربوا في بعض.
زومبة النجوم: كروان كان مستني محمد عادل إمام والعوضي، بس خد “الزومبة” التمام ومحدش فيهم حضر.
ركن البعيد الهادي: الفرح انتهى والعروسين واقفين في ركن بيهووا على بعض من التعب والبهدلة، وطبعاً مننساش “نيولوك” أم العروسة اللي صبغت شعرها أحمر عشان تواكب الحدث.
سر الفسيخ: والتحلية كانت إن العروسة كانت واكلة فسيخ وهي بتعمل شعرها في الكوافير، حاجة كدة “ميكس” غريب!
النهاية المأساوية:الليلة مكملتش على خير، والأنباء بتقول إن كروان “اتقبض عليه” بعد الهيصة دي كلها..
لتنتهي أطول ليلة “مشاكل” في تاريخ الأفراح المصرية.
