لقاء الخميسي ومحمد عبد المنصف
رد فعل غير متوقع من لقاء الخميسي على أنباء انفصال زوجها عن فنانة أخرى!
شعللت السوشيال ميديا خلال الساعات اللي فاتت بخبر غريب ومفاجئ، بعد ما انتشر بوست منسوب للفنانة إيمان الزيدي بتعلن فيه انفصالها عن الكابتن محمد عبد المنصف.
والمفاجأة الأكبر كانت ادعاء إن فيه زواج شرعي حصل بينهم واستمر لمدة 7 سنين
الجمهور كله كان مستني رد فعل الفنانة لقاء الخميسي، زوجة أوسة، اللي دايماً بتظهر معاه في كل المناسبات وبتبين مدى قوة علاقتهم.
لقاء اختارت ترد بطريقة راقية ومختلفة تماماً عن خناقات السوشيال ميديا المعتادة.
لقاء الخميسي ومحمد عبد المنصف
قصة حب بدأت بـ رقصة.. ياسين رشدي يحتفل بـ جمال عيونها مع خطيبته نور عمرو دياب
نظرية دعهم وشأنهم.. رسائل لقاء الخميسي المشفرة
بدل ما تدخل في تصريحات مباشرة،
شاركت لقاء الخميسي مع جمهورها صور لثلاثة كتب، وكأنها بتبعت رسائل غير مباشرة لكل اللي بيتكلموا:
- الكتاب الأول: أشياء لم يعلمنا أحدها عن الحب (عن بناء علاقات صحية).
- الكتاب الثاني: قوة التفكير الإيجابي.
- الكتاب الثالث: وده اللي لفت الأنظار بقوة، وهو كتاب نظرية دعهم وشأنهم.
الجمهور فسر اختيار الكتب دي إن لقاء متمسكة بهدوئها ومش فارق معاها الإشاعات، وإنها بتطبق نظرية التجاهل لكل ما يقال عن حياتها الشخصية.
لقاء الخميسي ومحمد عبد المنصف
لقاء الخميسي والفار اللي لعب في عبها
الموضوع ده فكر الجمهور بتصريحات سابقة للقاء مع الإعلامية شريهان أبو الحسن،
لما اتكلمت بصراحة وقالت إن الفار لعب في عبها قبل كده تجاه أوسة، وده شيء طبيعي في أي جواز.
لكنها وضحت وقتها إن فيه فرق كبير بين الفليرت أو الإعجاب العابر وبين الخيانة،
وأكدت إنها بتتعامل مع الأمور دي بعقل وحكمة عشان تحافظ على بيتها.
حقيقة الحساب المنسوب لإيمان الزيدي
لحد دلوقتي، فيه شكوك كبيرة حول الحساب اللي نشر الخبر، خصوصاً إن محمد عبد المنصف ولقاء الخميسي بيظهروا دايماً في حالة استقرار تام.
والبوست اللي انتشر ادعى إن الجواز كان شرعي واستمر 7 سنين،
وهو ما اعتبره البعض مجرد محاولة لإثارة الجدل أو فبركة من حسابات وهمية.
بين هدوء لقاء الخميسي وصمت أوسة، يظل السؤال:
هل الأيام الجاية هتظهر حقيقة تانية ولا الموضوع مجرد إشاعة سخيفة خبطت في بيت واحد من أشهر ثنائيات الوسط الرياضي والفني…
