مسلسل ما وراء الطبيعة الجزء الثاني
“لو مكنتش رديت كنت هفقد عقلي”.. رفعت إسماعيل راجع تاني في “ما وراء الطبيعة 2”
بشرة خير لكل عشاق سلسلة “ما وراء الطبيعة” ولجمهور الدكتور “رفعت إسماعيل”.. المخرج المبدع عمرو سلامة فجر مفاجأة من العيار الثقيل،
وأعلن رسمياً إن الحلم اللي استنيناه سنين هيتحقق، والجزء التاني من المسلسل بدأ يتحرك فعلياً على أرض الواقع.
مسلسل ما وراء الطبيعة الجزء الثاني
في تصريحاته الأخيرة، عمرو سلامة مقدرش يخبي فرحته، وقال إن المسلسل ده بالذات هو “ابنه البكري” وأقرب الأعمال لقلبه،
وكان دايماً عنده إصرار إنه يكمل الرحلة اللي بدأها مع كتابات الراحل العظيم أحمد خالد توفيق.
وأكد إن الشركة المنتجة (نتفليكس) وافقت أخيراً على استكمال المشروع بعد مطالبات جماهيرية مخلصتش من وقت عرض الجزء الأول في 2020.
حاتم صلاح في رمضان 2026.. هل يبتعد عن عباءة “نفادي” في مسلسله الجديد؟
إيه اللي مستنينا في الجزء التاني؟
الجمهور دلوقتي بيسأل: “يا ترى هنشوف أساطير إيه المرة دي؟”.. الجزء الأول كان “فاتح شهية” بعلاقة رفعت وماجي،
لكن الجزء التاني غالباً هيدخل في غريق “الخوارق” أكتر، ومن المتوقع إننا نشوف تطور كبير في الشخصيات، خصوصاً إن عمرو سلامة وعد إن الشغل المرة دي هيكون بليفل عالمي زي ما عودنا.
رفعت إسماعيل (أحمد أمين) راجع تاني بنضارته وسجائره، والظاهر إن “قانون ميرفي” هيطبق علينا المرة دي بس بشكل إيجابي، لأن الخبر ده رجع الأمل لكل واحد كان خايف إن السلسلة متكملش.
